كلمـات مـوال لا تنكريـن // عتاب الشاب وجواب الفتاة

موال لا تنكرين : محمود أنور
قصة حبيبين .. شاب كان يحب له فتات تعب عليها وصرف .. يوم من الأيام شاف الفتاة ويا شاب ثاني.. فأخذ يعاتبها .. راح نسمع عتاب الشاب وجواب الفتات إله ..
:(

ـــــــــــ

بهاي عيوني شفتج لا تنكرين ،*، وهذا الوجه ما يخفى عليا
مو انا الي شفتج لا تقولين ،*، اميزج لو أن جنتي بين ميه
صحيح وياج جايز تغلط العين ،*، بس القلب شافج قال هيا
اقولج وين شفتح اذا تريدين ،*، بمكان الي جنه نقعد بيه سويا
واقولج حتى انتي جنتي شتلبسين ،*، من شفته عليج شصار بيا
يبى نفس الثوب هذا القبل شهرين ،*، جبته بعيد ميلادج هديه
وهاي الساعه البيدج ماتذكرين ،*، جبتها بسبب تأخيرج عليا
المحابس والتراجي وكحلة العين ،*، نسيتي انا جايبهن بإيديه
انان العطر جانت وحده واثنين ،*، وسويتج صدق اجمل بنيه
جبت لج كلشي حتى انتي تتحلين ،*، تتحلين بيهن مو إليا
حصة غيري صاير تعب السنين ،*، وبس المشترى صاير عليا

;

جواب البنت:

;

صحيح انا الشفتها وانته مو غلطان ،*، بنفس الثوب هذا الجبته ليا
وصحيح انا جنت مع شخص ثاني ،*، ما انكر اقولك انا هيا
صدق كل الي قلته صحيح ،*، انت الي جبتهن كل ليا
بس انا انطيتك قدهن اضعاف ،*، حنان ولهفه ولوم الناس بيا
جنت اشقد اجازف من اجيلك ،*، واتحمل حجي امي عليا
الأشياء الجبتها إلك انته ،*، البسهن انا وتتباهه بيا
جبتهن على ذوقك موب ذوقي ،*، البستها الخاطرك ماتلوق ليا
هداياك الي يقولي شقد تساوي ،*، شتوازي شبابي أي هديه ؟!
انا انطيتك عمر سلمته بيدك ،*، ابساعه ومحبس انته تمن عليا
وجاي اليوم الي تعيرني بيهن ،*، اظن عمرك ولا مقدم هديه
وانا ماشفت منك اي نتيجه ،*، وصار سنين اريدك تحس بيا
شفت العمر يجري وكل شي ماكو ،*، وقلت الحق النفسي انا شبيا
من اظل وياك يتركني قطاري ،*، بآخر لحظه صرت انا ذكيه
جبتلج ما جبتلج هذا همك ،*، لكن ترتبط ما إلك نيا
اما الشخص هذا الجان وياي ،*، اعتبره انا اجمل هديه
من اول يوم عرفته حسيته صادق ،*، إجانه لبيتنا ويطلب إديه
وقارنتك انته وياه مرات شفت القلب يمك ،*، لاكن الحب حبيبي بهالزمن عشره بالميه
والتسعين انا بحاجه إلهن ،*، زواج واستقرار وأحلام ورديه
لذالك قررت اختار غيرك ،*، مو حقك تجي وتلوم بيا
واذا اقبلت قبل بهداياك ،*، استحملي ارجع هالهديه
انا بخاتم الخطبه تزهي ايديه


;

----------------

;

الي حاب يسمـع المـوال
http://iraqi.salmiya.net/songs/anwar/ram/anwar31.ram