yoyo المشرف العام
عدد الرسائل : 60 العمر : 32 المزاج : رآآآيق الاوسمة : تاريخ التسجيل : 17/07/2008
| موضوع: يقول من عدى الأحد يوليو 20, 2008 4:18 pm | |
| يقول من عدى علـى راس عالـي ===رجم طويل يدهلـه كـل قرنـاس في راس مرجومٍ عسيـر المنالـي===تلعب به الأرياح مع كـل نسنـاس في مهمةٍ قفر مـن النـاس خالـي===يشتاق له من حس بالقلب هوجـاس قعدت فـي راسـه وحيـدٍ لحالـي===براس الطويل ملابقه تقـل حـراس متذكر فـي مرقبـي وش غدالـي===وصفقت بالكفين ياسٍ علـى يـاس أخـذت اعـد أيامهـا والليـالـي===دنيا تقلب مـا عرفنـا لهـا قيـاس كم فرقت ما بيـن غالـي وغالـي===لوشفت منها ربح ترجـع للافـلاس يقطعك دنيا مـا لهـا أول وتالـي===لو اضحكت للغبن تقرع بالأجـراس المستريح اللي مـن العقـل خالـي===ما هو بلجات الهواجيـس عطـاس ماهوب مثلـي مشكلاتـه جلالـي===أزريت أسجلهن بحبـر وقرطـاس حملـي ثقيـل وشايلـة باحتمالـي===واصبر على مر الليالي والاتعـاس وارسي كما ترسي رواس الجبالـي===ولا يشتكي ضلعٍ عليـه القـدم داس يابجاد شـب النـار وادن الدلالـي===واحمس لنا يابجاد ما يقعد الـراس ودقـه بنجـرٍ ياظريـف العيالـي===يجذب لنا ربعٍ على اكوار جـلاس وزله إلى منـه رقـد كـل سالـي===وخله يفوح وقنـن الهيـل بقيـاس وصبه ومـده يـا كريـم السبالـي===يبعد همومي يوم أشمـه بالانفـاس فنجال يغـدي مـا تصـور ببالـي===وروابع تضرب بها اخماس واسداس لاخـاب ظنـي بالرفيـق الموالـي===مالي مشاريهٍ علـى نايـد النـاس لعـل قصـر مـا يجيلـه ظلالـي===ينهد مـن عـال مبانيـه للسـاس لاصار ما هـو مدهـل للرجالـي===وملجا لمن هو يشكي الضيم والباس بحسناك يامنشـي حقـوق الخيالـي===ياخالق أجناس ويامغنـي أجنـاس تجعل مقـره دارس العهـد بالـي===صحصاح دوٍّ دارس مابه اونـاس البـوم فـي تالـي هدامـه يلالـي===جزاك ياقصر الخنا وكر الادنـاس متـى تربـع دارنـا والمغـالـي===وتخضر فياض عقب ما هيب يباس نشـوف فيهـا الديدحـان متوالـي===مثل الرعاف بخصر مدقوق الالعاس ونثير على البيدا سـوات الزوالـي===يشرق حماره شرقة الصبغ بالكاس وتكبر دفوف معبسـات الشمارلـي===ويبني عليهن الشحم مثل الاطعـاس
الأمير محمد بن أحمد السديري
خال الملك فهد | |
|
نورو المربوشه المشرفة العامة
عدد الرسائل : 89 الاوسمة : تاريخ التسجيل : 19/07/2008
| موضوع: رد: يقول من عدى الثلاثاء يوليو 22, 2008 8:40 pm | |
| والله مشكوور اخوي
وما قصرت يسلمووووووووووو | |
|
$ saleh $ Admin
عدد الرسائل : 130 العمر : 29 العمل/الترفيه : طالب في الاعدادية المزاج : ممتاز تاريخ التسجيل : 16/07/2008
| موضوع: رد: يقول من عدى الخميس يوليو 24, 2008 12:27 am | |
| | |
|